അസിസ്റ്റന്റ് മാനേജർ (ഇൻഡസ്ട്രിയൽ ഡെവലപ്മെന്റ് ഓഫീസർ): ഒഴിവ്-150. യോഗ്യത- ബി.ഇ./ബി.ടെക്. (മെക്കാനിക്കൽ/ ഇലക്ട്രിക്കൽ/ ഇലക്ട്രോണിക്സ്/ കെമിക്കൽ/ ടെക്സ്റ്റൈൽ/ പ്രൊഡക്ഷൻ/ സിവിൽ). പ്രായപരിധി 20-30 വയസ്സ്.
മാനേജർ (ക്രെഡിറ്റ്): ഒഴിവ്-50. യോഗ്യത-സി.എ./ഐ.സി.ഡബ്ല്യു.എ.യും ക്രെഡിറ്റ്/ഫിനാൻസ് രംഗത്ത് മൂന്നുവർഷത്തെ പ്രവൃത്തിപരിചയവും. പ്രായപരിധി 23-35 വയസ്സ്.
സീനിയർ മാനേജർ (ക്രെഡിറ്റ്): ഒഴിവ്-10. യോഗ്യത-സി.എ./ഐ.സി.ഡബ്ല്യു.എ.യും ക്രെഡിറ്റ്/ഫിനാൻസ് രംഗത്ത് അഞ്ചുവർഷത്തെ പ്രവൃത്തിപരിചയവും. പ്രായപരിധി 25-38 വയസ്സ്.
മാനേജർ (സെക്യൂരിറ്റി): ഒഴിവ്-14. യോഗ്യത-ബിരുദം, കുറഞ്ഞത് മൂന്നുമാസത്തെ കംപ്യൂട്ടർ കോഴ്സ് അല്ലെങ്കിൽ ബിരുദതലത്തിൽ ഐ.ടി.യോ അനുബന്ധവിഷയമോ ഒരു പേപ്പറായി പഠിച്ചിരിക്കണം. ഇന്ത്യൻ ആർമി/നേവി/എയർഫോഴ്സിൽ അഞ്ചുവർഷം കമ്മിഷൻഡ് ഓഫീസറായി ജോലിചെയ്തിരിക്കണം/ ഡെപ്യൂട്ടി സൂപ്രണ്ടിൽ താഴെയല്ലാത്ത റാങ്കിലുള്ള പോലീസ് ഓഫീസർ/ പാരാമിലിട്ടറി ഫോഴ്സുകളിൽ അസിസ്റ്റന്റ് കമാൻഡന്റ്/ തത്തുല്യ റാങ്കിലുള്ളവർ.
മറ്റ് തസ്തികകളുടെ യോഗ്യത, പ്രായം ഉൾപ്പെടെ വിശദവിവരങ്ങൾ വെബ്സൈറ്റിലെ വിജ്ഞാപനത്തിൽ ലഭിക്കും.
ഉയർന്ന പ്രായപരിധിയിൽ എസ്.സി., എസ്.ടി. വിഭാഗക്കാർക്ക് അഞ്ചുവർഷത്തെയും ഒ.ബി.സി. വിഭാഗക്കാർക്ക് മൂന്നുവർഷത്തെയും ഭിന്നശേഷിക്കാർക്ക് 10 വർഷത്തെയും ഇളവ് ലഭിക്കും. വിമുക്തഭടർക്കും നിയമാനുസൃത ഇളവുണ്ട്.
തിരഞ്ഞെടുപ്പ്: അപേക്ഷകരിൽനിന്ന് ഷോർട്ട് ലിസ്റ്റ് ചെയ്യുന്നവർക്ക് അഭിമുഖമുണ്ടാവും. ആവശ്യമെങ്കിൽ അഭിമുഖത്തിന് മുൻപായി എഴുത്തുപരീക്ഷ/ഓൺലൈൻ പരീക്ഷ നടത്തും. രണ്ട് മണിക്കൂർ ദൈർഘ്യമുള്ള പരീക്ഷ 100 മാർക്കിനായിരിക്കും. ബന്ധപ്പെട്ട വിഷയത്തിലുള്ള പ്രൊഫഷണൽ അറിവ്, ഇംഗ്ലീഷ് ഭാഷാപരിജ്ഞാനം, ബാങ്കിങ് മേഖലയ്ക്ക് പ്രാധാന്യം നൽകിയുള്ള പൊതുവിജ്ഞാനം എന്നിവയായിരിക്കും ചോദ്യങ്ങളായുണ്ടാവുക.
അപേക്ഷാഫീസ്: ജി.എസ്.ടി. ഉൾപ്പെടെ 850 രൂപയാണ് ഫീസ്. എസ്.സി., എസ്.ടി., ഭിന്നശേഷി വിഭാഗക്കാർ ഇന്റിമേഷൻ ചാർജായ 175 രൂപ അടച്ചാൽ മതി. ഓൺലൈനായാണ് ഫീസടയ്ക്കേണ്ടത്.
അപേക്ഷ: ഓൺലൈനായി അപേക്ഷിക്കണം. വിശദവിവരങ്ങൾക്കും അപേക്ഷിക്കുന്നതിനുമുള്ള വെബ്സൈറ്റ്: www.indianbank.in.
അപേക്ഷ സ്വീകരിക്കുന്ന അവസാന തീയതി: 2022 ജൂൺ 14.
